11 мар 17:39
Янгиликлар

Футбол

Суперлига. "Навбаҳор" футболчиси иккинчи турда энг яхши футболчи бўлди

Championat.asia нашри Суперлигада 2-турнинг энг яхши футболчиси "Навбаҳор" ярим ҳимоячиси Азизбек Турғунбоев бўлганлигини маълум қилди.

Суперлиганинг 2-турида "Навбаҳор" жамоаси Олмалиқда АГМКни таслим этишга муваффақ бўлди.

Ушбу ғалабада "Навбаҳор" вингери Азизбек Турғунбоевнинг ҳиссаси катта бўлди. Дастлаб жарима зарбасини қойилмақом тарзда бажарган Турғунбоев, кейинчалик Дилшод Жабборовнинг голига ҳаммуаллифлик қилди. Шу тариқа Турғунбоевнинг голи ва голли узатмаси якунда "Навбаҳор"га муҳим 3 очкони тақдим этди.

Шу боисдан ҳам Суперлиганинг 2-турининг энг яхши футболчиси номига Азизбек Турғунбоев лойиқ кўрилди.