Супероғир вазндаги чемпионлик жанги допинг сабаб бекор қилинди

29 сентябрь куни WBA Regular йўналиши чемпиони Мануэль Чарр ўзига тегишли чемпионлик камарини расмий даъвогар Фрес Окендога қарши рингга кўтарилиши керак эди. Лекин айнан жаҳон чемпионидан олинган допинг-таҳлил ижобий натижа берган. 

Американинг VADA антидопинг агентлиги томонидан 31 август куни 33 ёшли Чаррдан таҳлил олганди. Германиялик боксчининг қон таркибида эпитенболон ва дростанолон моддалари борлиги аниқланган. Бу вазиятда 45 ёшли Окендо WBA ташкилотидан чемпионлик камарини тақдим этишларини талаб қилмоқда.