Свитолина 6:1, 5:2 ҳисобидаги ғалабани мағлубиятга айлантирди

Дунёнинг еттинчи рақамли теннис маликаси бўлиб турган Элина Свитолина тайёр ғалабани қўлдан бой берди. 24 ёшли украиналик теннисчи 1/4 финал учрашувида грециялик Мария Саккарига 6:1, 6:7(3), 3:6 ҳисобида имкониятни бой бериб қўйди.

Ваҳоланки, Свитолина биринчи сетда 6:1 ҳисобида ғалаба қозонган, иккинчи сетда 5:2 ҳисобида олдинда бораётган эди. Ҳисоб 5:3 бўлиб турган паллада ҳам учта матчболдан фойдалана олмади. Учрашув 2 соату 32 дақиқа давом этган.