Tapology Моралес статистикасидан мағлубиятни олиб ташлади. Энди унинг рекорди 19-0!

Моралеснинг иккита жанги кўргазма мақомига эга бўлди, бу эса унга ўз статистикасида мағлубиятдан қутулиш имконини берди.

"Эквадордаги "Ultima Pelea" лигаси ҳамда унинг Майкл Моралеснинг ММАдаги рекордига таъсири ҳақида янгиланган маълумот. Биз бу тадбирларни бекор қиламиз ва уларни кўргазмали жанглар сифатида таснифлаймиз. Ижтимоий тармоқларда қанчалик аҳмоқ эканлигимиз ҳақида кўплаб ғазабли изоҳларни интиқлик билан кутамиз. Олдиндан раҳмат. Аммо, энг аввало, биз адолатли бўлишни ва ҳамма нарсани тўғри қилишни истаймиз", - дейилади нашрнинг ижтимоий тармоқдаги саҳифасида.

Эслатиб ўтамиз, Моралеснинг статистикаси янгиланганидан сўнг, унинг ҳисобида 20 та ғалаба ва битта мағлубият бор эди. Энди унинг рекорди 19-0! Моралес 2017 йил 17 ёшида Эквадорнинг "Ultima Pelea" лигаси чорак финалида Рикардо Сентенодан мағлуб бўлган эди. 7 январь ҳолатига кўра, Моралес Ислам Махачев чемпион бўлган ярим ўрта дивизион рейтингида тўртинчи ўринни эгаллаб турибди.