Ўзбекистон стол тенниси федерацияси Жаҳон чемпионатида совриндор бўлган тайпейлик мутахассисни жалб этди

"Ўзбекистон стол тенниси федерацияси халқаро тажрибага эга мураббий билан ҳамкорликни йўлга қўймоқда!

Кўплаб халқаро майдонларда ўз маҳоратини намойиш этган, ITTF Pro Tour турнирларининг ғолиби ва финалчиси, Осиё чемпионатлари совриндори Чанг Ен Шу энди Ўзбекистон стол тенниси ривожи йўлида фаолият олиб бормоқда.

Асосий ютуқлари: 

• 2000 йил Сидней Олимпиадаси — жуфтлик баҳсларида 5-ўрин

• 2001 йил Жаҳон чемпионати — жуфтлик баҳсларида 3-ўрин (бронза)

• 2000 йил Осиё чемпионати — жуфтлик баҳсларида 1-ўрин (чемпион), аралаш жуфтликда 3-ўрин

• 1998 йил Осиё ўйинлари — жуфтлик ва жамоавий баҳсларда 3-ўрин

• 2002 йил Осиё ўйинлари — жамоавий баҳсларда 3-ўрин

• 2001 йил Япония Опен ва Италия Опен — яккалик баҳсларида 3-ўрин

• ITTF Pro Tour турнирларининг 6 карра ғолиби.

Унинг бой тажрибаси, профессионал ёндашуви ва замонавий мураббийлик методлари Ўзбекистон стол тенниси спортини янги босқичга олиб чиқишга хизмат қилади", дейилади хабарда.