Свёнтек чемпионлик ҳимоясини давом эттирмоқда, 1/4 финалда ўтган йилги финалчи мағлуб этилди

Дунёнинг иккинчи ракеткаси Ига Свёнтек 1/4 финалда WTA рейтингида еттинчи ўринда бораётган қозоғистонлик Елена Рибакинани мағлубиятга учратди - 6/2, 7/5. Бу билан теннисчиларнинг ўзаро ўйинларидаги ҳисоб мувозанати ҳам тикланди - 4:4!

Тўқсон олти дақиқа давом этган баҳсда Свёнтек 1, Рибакина 3 та эйс зарбасини амалга оширган. Қўшхатолар ён қўшнимизда кўпроқ бўлди - 2 га 1. Брейклар бўйича устунлик табиийки, ғолиб теннисчи томонида - 4 га 1. Энди Ига 1/2 финалда тунислик Онс Жаберни мағлуб этган латвиялик Елена Остапенкога қарши кортга чиқади.