17 мар 15:17
Янгиликлар

Бокс/ММА

Яхши хабар: Шаҳрам Ғиёсов WBA Regular камари учун жанг қилади — манба

Ярим ўрта вазн тоифасида ўзбекистонлик профессионал боксчи, WBA йўналишида чемпионлик камари учун мажбурий даъвогар Шаҳрам Ғиёсов рингга қайтиш арафасида.

Moboxingnoproblem нашрининг маълум қилишича, Ғиёсов 2 май куни АҚШнинг Лас-Вегас шаҳридаги T-Mobile Arena мажмуасида ташкил этиладиган проф бокс оқшомида иштирок этади. Унга ўша куни мексикалик Рауль Куриэль рақиб бўлиши кутилмоқда.

Аҳамиятлиси, жанг ярим ўрта вазн тоифасидаги WBA Regular камари учун ўтказилади. Бу қарор тўлақонли чемпион Роландо Ромеронинг Девин Хейни билан жанг қилиш ортидан келиб чиққан бўлса, ажаб эмас.

2 май кунги бокс оқшомининг асосий жанги Давид Бенавидес ва Хильберто Рамирес ўртасида кечади.

Маълумот учун, Шаҳрам Ғиёсов ҳам, Рауль Куриэль ҳам профессионал боксдаги фаолияти давомида ҳозиргача 17 тадан жанг ўтказиб, барчасида ғалаба қозонишган.