“Tashkent ITF junior G-5”. Ўринов бош мукофот соҳиби!

Анъанавий тарзда ўтказиб келинаётган ушбу мусобақада ўнга яқин давлатдан истеъдодли теннисчилар иштирок этди. Ўғил болалар ўртасидаги турнирнинг финал учрашувида икки теннисчимиз ўзаро тўқнаш келишди. 

Иброҳимжон Ўринов бош мукофот учун кечган баҳсда жамоадоши Олимжон Набиевни 6:3, 6:4 ҳисобида мағлуб этди ҳамда турнир чемпионига айланди. Ўринов ўтган ҳафта ҳам худди шундай тоифага кирувчи турнирда чемпион бўлган эди.