“Tashkent ITF junior G-5”. Қизлар ўртасидаги турнирда 1/4 финал баҳслари ўтказилди

Анъанавий тарзда ўтказиб келинаётган ушбу мусобақада ўнга яқин давлатдан истеъдодли теннисчилар иштирок этяпти. Қиз болалар ўртасидаги турнирда чорак финал учрашувлари ўтказилиб, ярим финалчилар номи маълум бўлди. 

Бугун ўтказиладиган ярим финал баҳсларида Ўзбекистон ва Қозоғистон теннисчилари бир-бирларига қарши кортга чиқишади. Биринчи жуфтликда ҳамюртимиз Олеся Ким Мария Синицинага, яна бир теннисчимиз Милана Масленкова эса Камилия Шаилинага қарши финал чиптаси учун баҳс олиб боради.