29 сен 08:48
Янгиликлар
Tashkent Open. Бугун чорак финалнинг сўнгги икки баҳси давом эттирилади
Соврин жамғармаси 250 000 АҚШ долларини ташкил қилувчи турнирга Республика олимпия захиралари теннис мактаби кортлари мезбонлик қиляпти. Кеча ёмғир сабаб чорак финалнинг иккита учрашуви якунига етмай қолди.
Бугун соат 10:00дан бошлаб ана шу ўйинлар давом эттирилади. Россиялик Вера Звонарева сербиялик Александра Круничга қарши кортга чиқади. Кеча бу теннисчилар ўртасидаги учрашув биринчи сетнинг бешинчи геймидан сўнг ёмғир сабаб тўхтатилди. Бу пайтга келиб Звонарева 3:2 ҳисобида ғалаба қозонаётганди.
Иккинчи чорак финал баҳси эса япониялик Куруми Нара ҳамда украиналик Катерина Бондаренко ўртасида бўлиб ўтади. Шунингдек, бугун ярим финалнинг дастлабки учрашуви ҳам ўтказилади. Унда венгриялик Тимеа Бабош ҳамда беларуслик Арина Соболенко ўзаро ўйинда финал чиптасини ҳал қилишади.
Фикрлар