03 окт 11:32
Янгиликлар

Бокс/ММА

Тайсон Фьюри ўзи учун асосий спарринг-рақибни аниқлаб олди

Британиялик истеъдодли боксчи Жо Жойс ватандоши Тайсон Фьюрига америкалик Деонтей Уайлдерга қарши ўтказиладиган жангига тайёргарлик кўриш учун ёрдам беради.

Фьюрининг машғулот лагери АҚШнинг Калифорния штати Биг Беар шаҳарчасида жойлашган. Тайсон таниқли мураббий Абель Санчеснинг залида машғулот ўтказади. Жойс айнан Санчеснинг шогирди ҳисобланади.

“Фьюри билан елкама-елка машғулот ўтказамиз. Илк машғулотимизда унда ортиқча вазн бор эди. Ҳозир ҳаммаси жойида. Рингда нисбатан анча тез ҳаракат қиляпти”, - деди Жойс.

Эслатиб ўтамиз, супероғир вазн тоифасида WBC чемпионлик камари соҳиби бўлиб турган Деонтей Уайлдер ҳамда собиқ жаҳон чемпиони Тайсон Фьюри ўртасидаги жанг 1 декабрь куни бўлиб ўтади.