Тайсон Фьюри: “Уайлдер, истасанг таслим бўл!”

Собиқ жаҳон чемпиони бўлган Фьюри америкалик рақибига агар истаса, ҳозироқ таслим бўлиши мумкинлигини айтган. 

“Уайлдер таслим бўлиши мумкин, назаримда ҳам шундай бўлади. Мен унинг кўзида қўрқувни кўрдим. Шу боисдан ҳам у жангдан воз кечиши мумкин. Деонтей ҳаваскор боксдаги фаолиятида худди шундай йўл тутганди. 

Кейин бир нарсани унутманглар, Уайлдерни АҚШ - Россия учрашувида бир семиз, беўхшов бола нокаутга учратган эди. Кўрпясиз, мен семиз ва беўхшов эмасман. Лекин мен ўша бола амалга оширган ишни яна бир бор такрорлашга қодирман”, - деди Фьюри.

Эслатиб ўтамиз, Уайлдер - Фьюри чемпионлик жанги 1 декабрь куни бўлиб ўтади.