18 сен 07:59
Янгиликлар

Бокс/ММА

Тайсон Фьюри Уайлдерга қарши жанг олдидан талаб қўйди

Профессионал бокснинг супероғир вазн тоифасида собиқ жаҳон чемпиони Тайсон Фьюри WBC чемпиони америкалик Деонтей Уайлдерга қарши кечадиган жанг олдидан ўз талабларини илгари сурди.

Британиялик боксчи ташкилотчиларга Уайлдер билан бўлиб ўтадиган чемпионлик жангидаги ҳакамлар турли мамлакатлардан бўлиши кераклигини айтган ва буни талаб сифатида қабул қилишларини сўраган.

“Бўлажак жангда нейтрал, яъни бетараф бўлган ҳакамларни кўришни истайман. Бири АҚШ, яна бири Англия, учинчиси бетараф давлатдан бўлган ҳакам жангга тайинлансин. Ҳаммаси ҳаққоний бўлиши керак”, - дея ўзининг Twitter саҳифасида хабар қолдирган Фьюри.

Эслатиб ўтамиз, Деонтей Уайлдер ва Тайсон Фьюри ўртасидаги чемпионлик жанги 1 декабрь куни АҚШнинг Невада штати Лас-Вегас шаҳрида бўлиб ўтади.