Тайсон Фьюри: Уайлдерни Кличконинг тақдири кутмоқда

Бизнинг вақт билан келаётган якшанба куни тонг саҳарда АҚШда бу икки боксчи ўртасидаги чемпионлик жанги бўлиб ўтади. Матбуот анжумани боксчилар ва уларнинг жамоадагилари ўртасидаги даханаки жангга айланиб кетди.

- Бугунги сана мен учун ўзига хос аҳамиятга эга. Бундан роппа-роса уч йил олдин мен Дюссельдорф шаҳрида Владимир Кличкони мағлубиятга учратиб, супероғир вазн тоифасида жаҳон чемпионига айлангандим. Уч кундан сўнг мен ўша воқейликни яна такрорлайман. Уайлдерни ҳам Кличконинг қисмати кутяпти. 

Ўйлайманки, бокс мухлислари бўлажак жангдан худди мен каби қониқиш ва роҳатга эга бўлишади. Мен бу жангни 2011 йилдан бери кутаман. Ниҳоят, шанба оқшомида мен Деонтейинг юзига зарба тушириш ва уни нокаут қилиш имкониятига эга бўламан, - деди Фьюри.