27 мар 15:36
Янгиликлар

Дзюдо

Тбилиси "Катта Дубулға". Матниязова бронза медали учун татамига чиқади

Грузия пойтахти Тбилиси шаҳрида "Катта Дубулға" туркумига кирувчи нуфузли мусобақанинг иккинчи кунги баҳслари давом этмоқда.

Тбилиси "Катта Дубулға" турнирининг -70 кг вазн тоифасидаги баҳсларида юртимиз шарафини ҳимоя қилаётган Гулноза Матниязова ярим финал беллашувини ўтказди. Ҳамюртимиз 50 сония давом этган баҳсда Европа чемпионатининг бронза медали совриндори, россиялик Мадина Таймазовага ютқазиб қўйди.

Энди Матниязова кечки дастурда бронза медали учун татамига чиқади. Унинг бу баҳсдаги рақибаси бироздан сўнг аниқланади.