17 фев 21:14
Янгиликлар

Дзюдо

Тел-Авив "Катта Дубулға". Диёра бронза медали учун баҳсда татамига чиқди

Айни дақиқаларда Тел-Авив "Катта Дубулға" турнирининг биринчи кунги финал беллашувлари давом этмоқда.

Ҳозиргина -52 кг вазн тоифасида юртимиз шарафини ҳимоя қилаётган кадетлар ўртасида жаҳон чемпиони Диёра Келдиёрова Тел-Авив "Катта Дубулға" турнири бронза медали учун кечган баҳсда татамига чиқди.

Муросасиз кечган баҳс ғолибаси қўшимча дақиқаларда аниқланди. Венгриялик 25 ёшли Река Папп иппон баҳоси билан ғалаба қозониб, Тель-Авив "Катта Дубулға" турнири бронза медали соҳибасига айланди.

Таққослаш учун, 23 ёшли Диёра жаҳон рейтингида 11, Папп эса 5-ўринни эгаллаб турибди. Келдиёрова мусобақада кучли бешталикдан жой олиш баробарида қимматли 350 рейтинг очкосини ҳам қўлга киритди.