Теремоана: "Ўзбекистонлик Олимпиада чемпиони мендан мушукдек қочиб юрган"

"Улар мени икки раунддан нарига ўта олмаган, деб айтишди. Менимча, бу гап тўғри: мен билан жанг қилиш учун чиққанларнинг ҳеч бири икки раунддан нарига ўтмаган. Уч раундга етиб борган ягона одам эса мушукдек қочиб юрган — ҳаммага маълум бўлган ўзбекистонлик олтин медаль соҳиби. У мендан қочиб, уч раундгача етиб борган ягона жангчи.

Икки раунд масаласида айтадиган гапим шу: жанг қилиш учун келинг — сизни нокаутга учратишади. Менга қарши чиқинг. Мен келяпман", - деди Теремоана. 

Маълумот учун, австралиялик боксчи шу кунгача профессионал боксда ўтказган 11 та жангида ҳеч бир рақибини учинчи раундгача олиб бормай мағлубиятга учратган. Уч раунд мен билан жанг қилган ягона боксчи ўзбек деганда у айнан Баҳодир Жалоловни назарда тутган. 

Эслатиб ўтамиз, Теремоана ҳамюртимиз Баҳодир Жалоловга қарши проф рингда жанг ўтказиш ва ҳаваскор боксдаги икки мағлубияти учун реванш олиш истагида эканини бир неча бор айтган эди. Жалолов Париж Олимпиадасининг чорак финалида айнан Теремоанани очколар ҳисобига кўра мағлубиятга учратганди.