Теренс Кроуфорд фаолиятини якунлаш сабабини айтди

Унинг бу қарорга келишига WBC камаридан, у билан бирга иккинчи ўрта вазн тоифасида мутлақ жаҳон чемпионлигидан маҳрум этилиши сабаб бўлмаган.

"Йўқ, сабаби бу эмас. Бу мен томондан аҳмоқлик бўларди. Мен 38 ёшдаман, бу бокс учун жуда кўп. Етти ёшимдан бокс билан шуғулланаман. Боксда бошқа исботлайдиган гапим ҳам ишим ҳам қолмади. Менинг яна нимагадир интилишимга ҳожат йўқ. Масалан, мен яна нима қила оламан? Менга барибир муносиб баҳо беришмайди, шунинг учун бунинг умуман аҳамияти йўқ", - деди америкалик Эйдин Россга берган интервьюсида.

Кроуфорднинг боксдан кетишини Оскар Де Ла Хойя масхара қилиб, америкалик бутун фаолияти давомида фақат "иккита яхши жангчини" мағлуб этганини айтди. Кроуфорд ўзининг муносиб эътирофга сазовор бўлмаётгани ҳақида гапирганда, айнан шундай изоҳларни назарда тутади. Шунингдек, боксчи ўз меросига бирор нарса бера оладиган жанглар қолмаганига ишонади.

"Ҳаммасига сабаб шуки, мен жуда яхшиман. Кибр туфайли эмас, балки рақибларингдан шунчалик устун бўлиб, уларни илгари ҳеч қачон кўринмаган қиёфага келтирсанг, ҳамма: "Оҳ, у аллақачон тугатилган. Ҳа, бу йигит бир қоп". Бундан ташқари, замонавий боксда ким бор, кимнинг номи бор, у менинг меросимга қандайдир таъсир кўрсата оладими?", - дея изоҳ берди Кроуфорд.

Жорий йилнинг сентябрь ойида Теренс Кроуфорд Сауль "Канело" Альваресни ҳакамларнинг якдил қарори билан мағлубиятга учратиб, бокс бўйича иккинчи ўрта вазн тоифасида мутлақ жаҳон чемпиони бўлганди.