08 дек 12:41
Янгиликлар

Теннис

Терма жамоалар иштирокидаги АТР Cup турнирига қуръа ташланди

Янги 2022 йилнинг илк куни Австралиянинг Сидней шаҳрида старт оладиган теннис бўйича АТР Cup турнирига қуръа ташлаш маросими бўлиб ўтди.

9 январь куни ғолиби аниқланадиган турнирда 16 давлат терма жамоалари 4 та гуруҳга бўлинган ҳолда бош соврин учун баҳс олиб боришади. Фақат гуруҳ ғолибларигина 1/2 финалга чиқишади.

Куни кеча эркаклар терма жамоалари ўртасидаги норасмий жаҳон чемпионати ҳисобланган "Дэвис Кубоги"да бош совринни қўлга киритган Россия В гуруҳида Италия, Австрия ва Австралияга қарши кортга чиқадиган бўлди.

Қуръа натижалари:

А гуруҳи: Сербия, Норвегия, Чили, Испания

В гуруҳи: Россия, Италия, Австрия, Австралия

С гуруҳи: Германия, Канада, Буюк Британия, АҚШ

D гуруҳи: Греция, Польша, Аргентина, Грузия