13 июн 13:22
Янгиликлар

Бокс/ММА

The Ring: Альварес камаридан маҳрум қилинди, Фьюри эса рейтингга қайтди

Дунёга машҳур The Ring журнали сўнгги ўтказилган жанглардан келиб чиқиб янги рейтинг жадвалини эълон қилди.

Энг катта ўзгаришлардан бири Сауль “Канело” Альвареснинг ўрта вазн тоифасида The Ring чемпионлик камаридан маҳрум қилингани бўлди. Айни пайтда бу чемпионлик камари эгасиз, яъни вакант бўлиб турибди.

Бундан ташқари, Альварес тўлалигича ўрта вазн ҳамда вазн тоифасидан қатъий назар дунёнинг энг кучли боксчилари рейтингидан ҳам чиқарилди. Мексикалик боксчи таъқиқланган модда истеъмол қилгани учун 6 ойга дисквалификация қилинган эди.

Шунингдек, ушбу рейтингдан Гильермо Ригондо ҳам четлатилди. Уларнинг ўрнини Донни Ньетес ва Александр Усик эгаллади. Янгиланган рейтингнинг 9-поғонасида икки ярим йиллик танаффусдан сўнг яна рингга қайтган британиялик Тайсон Фьюри қайд этилган.