Тимур Валиев UFC билан шартнома имзолади

Бу ҳақида Валиевнинг ўзи Инстаграм саҳифасида хабар берди.

"Қўллаб-қувватловчи фикрлар учун барчага миннатдорчилик билдираман. Биз бу йўлда узоқ масофани босиб ўтдик. Нималарга қодир эканимни кўрсатадиган фурсат етиб келди", — дея "Инстаграм"да UFC хештеги билан хабар қолдирган Валиев.

Таъкидлаш жоиз, ушбу хабар остидаги фикрлар лентасида собиқ UFC чемпиони Фрэнки Эдгар Валиевни шартнома билан табриклаган. Эдгар ва Тимур бир жамоа аъзолари ҳисобланишади. Валиев анчадан бери АҚШда машғулот ҳамда жангларини ўтказиб келмоқда. У 2014-2016 йиллар оралиғида WSOF лигасида ўз жангларини ўтказган. Кейин PFL промоушенига ўтган. Валиев ММАда ўтказган жами 16 жангининг 14 тасида ғалаба қозонган.