Топурия Пётр Ян билан жанг қилмоқчи

"Мен учрашмоқчи бўлган битта жангчи бор. Мераб энди чемпион эмас, гарчи у қайтиб келишига ва Пётр Яннинг камарини қайтариб олишига шубҳа қилмасам-да. Агар уни рўйхатдан чиқариб ташласак, мени фақат чемпион қизиқтиради. Мен бунга лойиқман, демоқчи эмасман, лекин мен шуни хоҳлайман - менга камари бор одам керак. Мераб чемпион бўлса, мен хотиржам четда тураман. Аммо ҳозир у чемпион эмас, шунинг учун менга Пётр Ян билан жанг қизиқ", - деди Топурия.

Илия Топуриянинг акаси бўлган 29 ёшли Александр Топурия жорий йилнинг февраль ойида Колби Тикнессни ҳакамлар қарорига кўра мағлуб этиб, UFC’даги дебютини муваффақиятли бошлаб олганди. Ноябрь ойида у қозоғистонлик Бекзат Алмаханни мағлуб этди.

Эслатиб ўтамиз, Пётр Ян 6 декабрь куни ўта енгил вазн тоифасида чемпионлик камарини қайтариб олганди. У беш раунд якунларига кўра ҳакамларнинг бир овоздан қарори билан Мераб Двалишвилини ишончли тарзда мағлуб этганди.