24 ноя 15:02
Янгиликлар

Бокс/ММА

Тўрт карра UFC чемпиони $250 000, Ортис – $200 000 гонорар олади

АҚШнинг Калифорния штати Спорт комиссияси Чак Лидделл ҳамда Тито Ортисга ваъда қилинган гонорар миқдорини ошкор этди.

Унга кўра, саккиз йиллик танаффусдан сўнг илк бор жанг ўтказаётган Лидделл ўз ҳамёнини 250 000, Ортис эса 200 000 АҚШ долларига бойитиб олади. Ғалаба қозонган спортчига қўшимча бонус ваъда қилинмаган. Ушбу ММА оқшоми Оскар Де Ла Хойя томонидан ташкил этиляпти.

Лидделл фаолиятидаги энг катта гонорарини 2010 йилдаги жанги учун олган. Ўшанда у Рич Франклин билан бўлиб ўтган жангидан 500 000 АҚШ доллари ишлаб олган эди. Ортис эса шу йил Чел Сонненга қарши жангида 300 000 доллар гонорарга эга бўлганди.