14 окт 08:10
Янгиликлар

Теннис

Тошкент Челленжер. Бугун чемпион номи аниқланади

Бугун пойтахтимиздаги Республика олимпия захиралари теннис мактаби кортларида Тошкент Челленжер турнири якунланади.

Соврин жамғармаси 150 000 АҚШ долларини ташкил қилувчи мусобақанинг ҳал қилувчи финал учрашувида турнирнинг тўртинчи ракеткаси испаниялик Гильермо Гарсия-Лопес польшалик Камил Майхржакка қарши кортга чиқади.

Таққослаш учун, 35 ёшли Гарсия дунё рейтингида 105, 21 ёшли Камил эса 317-ўринни эгаллаб турибди. Теннисчилар шу кунгача ўзаро тўқнаш келишмаган. Кеча Лопес ярим финалда ҳамюртимиз Денис Истоминни 7:6, 6:4 ҳисобида мағлуб этганди.