14 окт 09:17
Янгиликлар

Теннис

Тошкент Челленжер. Жуфтликда турнир ғолиблари маълум

Республика олимпия захиралари теннис мактаби кортлари мезбонлик қилаётган Тошкент Челленжер мусобақасининг жуфтлик баҳсларида ғолиблар маълум бўлди.

Кутилганидек, турнирнинг иккинчи рақамли жуфтлиги мусобақа ғолибига айланди. Чилилик Ханс Подлипник-Кастильо ва беларуслик Андрей Василевский бош мукофотга эга чиқишди.

Улар 62 дақиқа давом этган финал учрашувида ҳиндистонлик теннисчилар – Юки Бхамбри ва Дивиж Шаранни 6:4, 6:2 ҳисобида мағлуб этиб, Тошкент Челленжер турнири саҳифаларига ўз номларини ёздириб қўйишди.