21 сен 17:56
Янгиликлар

Дзюдо

Тошкент Гран-приси. Ҳикматуллоҳ Тўраев ОЛТИН медаль соҳиби!

"Ҳумо Арена"да дзюдо бўйича Тошкент Гран-присининг иккинчи кунги баҳслари давом этмоқда.

Ҳозиргина -73 кг вазн тоифасида ҳал қилувчи финал беллашуви бўлиб ўтди. Унда юртимиз шарафини ҳимоя қилаётган Ҳикматуллоҳ Тўраев тожикистонлик Беҳрузи Хожазодага қарши татамига чиқди ва рақибини мағлубиятга учратди.

Аввалига тожикистонлик полвон вазари баҳоси эвазига ҳисобда олдинга чиқиб олди. Беллашувнинг сўнгги сониясида Тўраев вазари эвазига мувозанатни тиклади. Қўшимча бўлимда Ҳикматуллоҳ яна бир вазари баҳоси билан чемпионга айланди.

Маълумот учун, Тўраев ўтган йилги Тошкент Гран-присида ҳам олтин медаль соҳибига айланган эди.