Тошкент Гран-Приси. Кечаги кун ўзбекистонлик дзюдочиларга аталди ФОТОГАЛЕРЕЯ

Кеча эркаклар -73 ва -81 кг, аёллар эса -63 ҳамда -70 кг вазн тоифаларида мусобақа медаллари ҳамда Токио-2020 Олимпиадасининг муҳим рейтинг очколари учун татамига чиқишди. 

Кечаги кун ўзбекистонлик дзюдочиларга аталди десак асло муболаға бўлмайди. Ўзбекистон терма жамоасининг икки нафар аъзоси шарафига мамлакатимиз мадҳияси янграб, байроғимиз баланд кўтарилди. 

Ҳикматуллоҳ Тўраев ва Шарофиддин Болтабоев барча рақибларини енгиб, Тошкент Гран-приси ғолибига айланишди. Финалда мағлуб бўлган Камолиддин Расулов ва Гулноза Матниязова кумуш медаль билан тақдирланишди. 

Кечаги барча ғолиб ва совриндорлар:

-63 кг вазн тоифаси

1. Катрин Антервурзачер (Австрия)

2. Энрикелис Барриос (Венесуэла)

3. Люси Реншалл (Буюк Британия)

3. Инбал Шемеш (Исроил)

-70 кг вазн тоифаси

1. Элизавет Телцидоу (Греция)

2. Гулноза Матниязова (Ўзбекистон)

3. Хилде Жагер (Голландия)

3. Элвисмар Родригес (Венесуэла)

Эркаклар 

-73 кг вазн тоифаси

1. Ҳикматуллоҳ Тўраев (Ўзбекистон)

2. Беҳрузи Ҳожазода (Тожикистон)

3. Билал Килоглу (Туркия)

3. Магдиэль Эстрада (Куба)

-81 кг вазн тоифаси

1. Шарофиддин Болтабоев (Ўзбекистон)

2. Камолиддин Расулов (Ўзбекистон)

3. Шамил Борчашвили (Австрия)

3. Сами Шуши (Бельгия)

Маълумот учун, Тошкент Гран-приси ғолиблари 700 рейтинг очкосини қўлга киритишди. Кумуш медал эгалари 490, бронза медали билан тақдирланган дзюдочилар эса 350 очкога эга бўлишди. Шунингдек, 5-ўринга 252, 7-поғонадан жой олганларга 182 очко тақдим этилди.