"Тоттенхэм" Игор Тудорнинг истеъфосини эълон қилди

“Ўзаро келишувга кўра, бош мураббий Игор Тудор клубни тарк этаётганини тасдиқлаймиз. Шунингдек, дарвозабонлар мураббийи Томислав Рогич ва жисмоний тайёргарлик бўйича мураббий Риккардо Рагначчи ўз лавозимларини тарк этишди.

Биз Игор, Томислав ва Риккардога сўнгги олти ҳафта давомида тинимсиз меҳнат қилганлари учун миннатдорчилик билдирамиз. Шунингдек, яқин инсонини йўқотгани учун Игорга ҳамдардлик билдирамиз ва уни ҳамда оиласини бу оғир дамда қўллаб-қувватлаймиз.

Янги бош мураббий ҳақида тез орада маълумот берилади”, — дейилади "Тоттенхэм"нинг Х ижтимоий тармоғидаги саҳифасида.

Тудор "Тоттенхэм"ни 14 февралдан буён бошқариб келаётган эди. Унинг қўл остида жамоа еттита учрашувда бешта мағлубиятга учради.