01 май 09:46
Янгиликлар

Футбол

Туркия ва Россияда мавсум ғолиблари муддатидан олдин маълум бўлди

“Трабзонспор” клуби ўз тарихида 7-маротаба Туркия чемпионлигини қўлга киритди.

Жамоа охирги марта бу унвонга 1984 йили эришганди.

Абдулла Авжи шогирдлари чемпионат 35-туридан кейин 77 очко билан ғолибликни расмийлаштиришди. Мусобақа якунига эса 3 тур қолган ва трабзонликларнинг энг яқин таъқибчилари “Фенербахче” ҳисобида 68 очко бор.

РПЛда эса “Зенит” қаторасига 4-маротаба титул соҳибига айланди.

Сергей Семак шогирдлари 27-турда “Локомотив”ни (3:1) таслим этиб, очколари сонини 61 тага етказган ҳолда муддатидан олдин бош соврин эгасига айланишди.

Петербургликлар ўз тарихида 8-маротаба ушбу титулни қўлга киритишди.