U-23 Осиё Кубоги. Японияни мағлуб этган Ўзбекистон финалда ўйнайди

Ярим финалнинг дастлабки учрашувида Саудия Арабистони терма жамоаси "Пахтакор" стадионида Австралияни Ҳуссайн Аҳмад (20) ва Айман Яҳё (72) томонидан киритилган голлар эвазига 2:0 ҳисобида мағлуб этди.

Иккинчи ярим финал учрашуви "Бунёдкор" стадионида мухлисларсиз ўтказилди. Стадион атрофига йиғилган 15 мингга яқин мухлиснинг ғойибона далдаси билан терма жамоамиз чемпионлик учун асосий даъвогар Японияни 2:0 ҳисобида доғда қолдирди.       

Ўзбекистон U-23 — Япония U-23 2:0

Голлар: 60 - Жасур Жалолиддинов, 89 - Ҳусайн Норчаев

Ўзбекистон U-23: 12.Владимир Назаров, 2.Саидазамат Мирсаидов, 3.Достон Турсунов (6.Жалолиддин Содиқов,71), 5.Муҳаммадқодир Ҳамралиев, 7.Ҳожимат Эркинов (20.Русланбек Жиянов,71), 9.Улуғбек Ҳошимов (14.Аббосбек Файзуллаев, 76), 10.Жасур Жалолиддинов (14.Аббосбек Файзуллаев,76), 15.Одилбек Абдумажидов, 17.Диёр Холматов, 19.Ҳусайн Норчаев, 23.Абдурауф Бўриев

Япония U-23: 12.Зион Сузуки, 3.Сейя Баба, 6.Даики Матсуока (7.Риҳито Ямамото,58),  8.Жоэл Чима Фужита, 9.Шота Фужио, 10.Коки Саито (13.Кеин Сато,58), 11.Мао Ҳосоя, 16.Такаши Учино, 17.Ҳижири Като, 18.Юито Сузуки, 22.Анри Часе

Огоҳлантиришлар: 10 - Юито Сузуки, 39 - Шота Фужио — 62 - Абдурауф Бўриев.