03 апр 09:03
Янгиликлар

Бокс/ММА

Уайлдер Жошуа билан Буюк Британияда жанг қилишга тайёр

Профессионал бокснинг супероғир вазн тоифасида WBC йўналиши чемпиони америкалик Деонтей Уайлдер қолган асосий учта йўналиш чемпиони Энтони Жошуа билан ёзда “Уэмбли” стадионида жанг ўтказишга тайёр эканлигини маълум қилди.

Уайлдернинг расмий вакили Шелли Финкель Деонтей WBA Super, IBF, IBO ва WBO чемпионлик камарларини қўлга киритиш мақсадида Британияга боришга розилик берган.

“Жошуа биринчи марта Уайлдер билан жанг ўтказишга розилик берди. Бу биз учун қувончли хабар бўлди. Ўйлайманки, Энтони ўз сўзининг устидан чиқадиган инсон. Уайлдер бу чақирувни бажонидил қабул қилди. Энди жанг муддати ва деталларини келишиб олсак бўлгани”, – деди Уайлдернинг менежери The Telegraph нашрига берган интервьюсида.