07 мар 17:26
Янгиликлар

Бокс/ММА

Уайлдер - Ортис жанги телеаудиторияси эълон қилинди

Профессионал бокснинг супероғир вазн тоифасида WBC йўналиши чемпиони Деонтей Уайлдер ҳамда даъвогар Луис Ортис ўртасидаги жанг телеаудиторияси маълум қилинди.

Ушбу чемпионлик жангини Showtime телеканалида ўртача 1 миллион 55 минг томошабин бевосита жонли эфирда кузатган. Жангнинг энг кўп томоша қилинган вақтдаги кўрсаткичи 1,81 миллион кишини ташкил этган. Бу натижа телеканал учун 2015 йилнинг январь ойидан кейинги энг яхши кўрсаткич бўлди.

Шу кунгача ҳеч бир жангни 1 миллиондан кўп телемухлис томоша қилмаган эди. Бундан аввалги рекорд кўрсаткич ҳам айнан Уайлдерга тегишли бўлиб, унинг 3 йил аввал Бермэйн Стивернга қарши жангини ўртача 1,2, пик вақтда 1,3 миллион мухлис томоша қилганди.