Уайлдер vs Фьюри. Кутилган жангнинг кутилмаган СТАТИСТИКАСИ!

Оқшомнинг марказий жанги супероғир вазн тоифасида ўтказилди ва унда WBC чемпиони Деонтей Уайлдер собиқ жаҳон чемпиони Тайсон Фьюрига қарши рингга кўтарилди. Жанг бироз кутилмаганда дуранг билан якунланди.  

Compubox ҳисоб-китобига кўра, кечаги чемпионлик жангида Тайсон Фьюри WBC чемпионидан ҳар жабҳада устун келибди. Ҳа, бир қарашда ишониш қийиндек, лекин бу айни ҳақиқат. 

Статистикага эътибор қаратинг. Фьюри жанг давомида жами 327та зарба бера олди. Ана шу зарбаларнинг 84таси, яъни 26 фоизи ўз манзилига аниқ етиб борди. Уайлдернинг умумий зарбалари сони 430тани ташкил қилди. Лекин аниқ йўлланган зарбалар сони 71та бўлди. Бу 17 фоиз дегани. Деонтейнинг бундан аввалги 8та жангидаги аниқ зарбалар 54 фоиздан кам бўлмаган. 

Фьюри жеб зарбалар сони бўйича ҳам етакчилик қилди. 223та жеб зарбалардан 46таси аниқ бўлган. Уайлдерда бу кўрсаткич 248га 40. Фоиз ҳисобида 21га 16, Тайсон фойдасига! Куч билан берилган зарбаларга эътибор қаратамиз. Британиялик боксчида 104та зарбадан 38таси куч билан берилган. Америкаликда эса 182та зарбадан 31таси кучли чиққан. Фоиз ҳисобида 37га 17 кўриниш. 

Бу аниқ статистик маълумотлар. Кўпчилик Деонтей рақибини икки бор нокдаун ҳолатига тушириб қўйди. Шу сабабли ҳам ғалаба уники бўлиши керак деган инсонлар ҳам кўп бўлди. Статистика барча йўналишларда Фьюри фойдасига хизмат қилди. Демак, дуранг натижа адолатли бўлди!