29 окт 11:00
Янгиликлар

Бокс/ММА

Уч боксчимиз Россиянинг кучли промоутерлик компанияси билан шартнома имзолади + ФОТО

Ўзбекистонлик уч нафар профессионал боксчи энди ўз фаолиятини Россиянинг энг олди промоутерлик компанияси байроғи остида давом эттиради.

Аниқроғи, Равшанбек Умирзоқов (61 кг), Мирзоҳид Абдуллаев (90 кг) ҳамда ёш боксчимиз Қобилжон Хосилов (63.5 кг) Герман Титовга тегишли RCC Boxing промоутерлик компанияси билан шартнома имзолашди.

Бу компания бугунги кунда Россиядаги энг кўзга кўринган бокс ташкилоти ҳисобланади. Ўз вақтида жаҳон чемпионлик камарини қўлга киритган Руслан Проводников, Дмитрий Пирог сингари боксчилар ушбу компания мижозлари ҳисобланишади.

Шу кунларда боксчиларимиз тажрибали мураббий Набижон Исманов қўл остида Екатеринбург шаҳрида ўқув-машғулот йиғинини ўтказишяпти.