27 сен 14:45
Янгиликлар
Теннис
Уч ярим соат давом этган учрашув ёхуд ўзбек дербиси
Хабар берганимиздек, Қозоғистоннинг Чимкент шаҳрида соврин жамғармаси 10 минг доллардан иборат турнирнинг асосий тўр баҳслари давом этмоқда.
Ушбу мусобақанинг асосий тўрида ҳамюртларимиздан, терма жамоамиз аъзолари Санжар Файзиев, Жўрабек Каримов, Ҳумоюн Султонов, Шониғмат Шофайзиев, Сергей Фомин, Павел Цой, Аброр Исоқов, Азизжон Турғунов ўз имкониятларини синовдан ўтказяпти.
Ҳозиргина якунига етган учрашувда ўзбек теннисчилари ўзаро кортга чиқишди. Турнирнинг учинчи ракеткаси ҳисобланган Санжар Файзиев 17 ёшли Ҳумоюн Султоновга қарши кортга чиқди.
Уч соату 22 дақиқа давом этган баҳсда Файзиев 6:4, 5:7, тай-брекда 7:6(3) ҳисобида зафар қучди. Учинчи сетнинг бешинчи геймидан кейин 4:1 ҳисобида олдинга чиқиб олган Ҳумоюн ғалабани сақлаб қола олмади.
Ҳавола :
Манба : olamsport.com
Фикрлар