28 мар 18:17
Янгиликлар

Бокс/ММА

"Учрашувда" — Царукян Нина Драма билан тушган сурати орқали Пулласни "тролл" қилди + ФОТО

UFC жангчиси Арман Царукян қиз ўртоғи, блогер, Нина Драма номи билан танилган Нина Мари Даниэль билан тушган суратини ижтимоий тармоққа жойлаб, "Учрашувда" дея изоҳ қолдирди.

Бу билан асл арманистонлик Арман эркин курашчи Жоржио Пулласнинг яқинда айтган сўзларига жавоб қайтарди.

RAF 07 турниридаги реванш беллашуви олдидан бўлиб ўтган матбуот анжуманида Пуллас Нина Драмани "Царукяннинг қизи" деб атаб, у билан учрашувни 10 минг еврога сотиб олишим мумкинми, деб сўраганди. Арман бунга кескин жавоб берди: "Мен ҳақимда гапиришинг мумкин, лекин менинг оилам ёки дўстларим ҳақида эмас!".

Царукян ва Жоржио Пуллас учун бу реванш мақомидаги беллашув бўлади. Уларнинг биринчи жанги Арманнинг шов-шувли ғалабаси ва жангдан кейинги жанжал билан якунланган эди.