30 сен 13:42
Янгиликлар

Спорт курашлари

Учта ёш тоифасида Жаҳон чемпиони Айтжан Халмахановга Президент совғаси — уч хонали уй берилди + ФОТО

Юнон-рум кураши бўйича терма жамоамиз аъзоси Айтжан Халмаханов яқиндагина Хорватиянинг Загреб шаҳрида ўтган катталар ўртасидаги Жаҳон чемпионатида олтин медалга эга чиққанди.

Спортчимизга Президент совғаси сифатида Тошкент вилояти ҳудудидаги Nurafshon City кўп қаватли мажмуасидан 3 хонали квартира тақдим этилди.

Халмахановга хонадон калитини Тошкент вилояти ҳокими Зойир Мирзаев топширди.

Таъкидлаш жоиз, Айтжан фаолияти давомида ҳозирга қадар юнон-рум кураши бўйича ўсмирлар, ёшлар ва катталар тоифасида Жаҳон чемпионлигини қўлга киритган. У Тошкент вилоятининг Ўрта Чирчиқ туманида туғилган ва ҳозир ҳам шу ерда истиқомат қилади.