04 окт 10:56
Янгиликлар

Бокс/ММА

UFC Fight Island 4. Марказий жанг якунланди + ФОТО

БАА пойтахти Абу-Дабидаги "Жанглар ороли"да навбатдаги UFC турнири якунланди.

Ҳозиргина UFC Fight Island 4 оқшомининг марказий жанги ўз ниҳоясига етди. Унда аёллар ўртасидаги енгил вазн тоифаси вакилалари - америкалик 38 ёшли собиқ UFC чемпиони Холли Холм ҳамда мексикалик 32 ёшли Ирен Алдана ўзаро октагонда тўқнаш келишди.

Кечанинг марказий жанги тўлиқ 5 раунд давом этди. Якунда ҳакамлар бир овоздан Холли Холмнинг ғалабасини эътироф этишди – 50:44, 50:45, 50:45. Статистика бўйича тажрибали Холмнинг 154 та зарбасидан 69 таси аниқ манзилига етиб борган. Тейкдаунлар бўйича яққол устунлик ҳам Холли томонида - 5-0.

Шу тариқа, Холли Холм бугун фаолиятидаги 14-ғалабасини тантана қилди. Унинг ҳисобида 5 та мағлубият ҳам бор. Алдана эса бугун 6-мағлубиятини қабул қилиб олди. Ҳисобида 12 та ғалаба бор.