28 сен 10:01
Янгиликлар

Бокс/ММА

UFC Fight Night 260 турнирининг марказий жангида Доминик Рейесни нокаутга учратишди

Австралиянинг Перт шаҳрида UFC Fight Night 260 турнири бўлиб ўтди.

Турнирнинг марказий жангида Янги Зеландия вакили Карлос Ульберг ва америкалик Доминик Рейес тўқнаш келди.

Жанг 1-раундда Ульбергнинг нокаутли ғалабаси билан якунланди. Рақибини йиқиттган Карлос кетма-кет зарбалар сериясини намойиш этгандан сўнг рефери жангни тўхтатди.

Бу Карлос учун кетма-кет тўққизинчи ғалаба бўлди. Рекорди эса 12-1 кўринишига келди.

Рейес эса фаолиятида бешинчи мағлубиятни қабул қилиб олди. Унинг ҳисобида шунингдек 15 та ғалаба бор.