UFC Fight Night 275 барча натижалари битта хабарда: Асосий жангда Маддаленани нокаут қилишди + ВИДЕО

Оқшомнинг асосий жангида бразилиялик ярим ўрта вазн тоифаси вакили Карлос Пратес собиқ чемпион, дивизион рейтингида биринчи ўринни эгаллаб турган австралиялик Жек Делла Маддаленани учинчи раундда техник нокаутга учратди. Тўртинчи дақиқада Карлос рақибини калф-кик зарбаси билан мувозанатдан чиқарди ва кейин партерда тирсак ҳамда хаммер-фист зарбалари билан жангни якунига етказди. 

Жангдан кейинги интервьюда Пратес август ойида Ислам Махачев ва Йен Мачадо Гэрри ўртасида ўтказиладиган чемпионлик жангини бевосита аренада томоша қилиши ва ғолибга шахсан "вызов" ташлашини маълум қилди. 

UFC Fight Night 275 турнирининг co-main event жанги америкалик тажрибали енгил вазн тоифаси вакили Бенил Дариуш иштирокида кечди ва у кутилмаганда сўнгги бешта жангидаги тўртинчи муддатидан аввал таслим бўлган мағлубиятини қабул қилиб олди. Бенил бу сафар биринчи раунддаёқ техник нокаут билан австралиялик Куиллан Салкилдага ютқазди.

Мусобақанинг аҳамияти жиҳатидан учинчи жанги энг енгил вазнда UFC камари учун собиқ даъвогарлар австралиялик Стив Эрцег ва америкалик Тим Эллиотт ўртасида бўлиб ўтди. Унда мезбон аралаш яккакураш устаси ҳакамларнинг қарори эвазига ғалаба қозонди.

Перт турнирида Марван Рахики, Жуниор Тафа, Весли Шульц ва Коди Стил ўз жангларида рақибларини муддатидан аввал мағлубиятга учратишди.

UFC Fight Night 275 турнирининг барча натижалари:

Асосий кард жанглари

Карлос Пратес Жек Делла Маддаленани техник нокаутга учратди (оёқда зарба ва партерда финиш) – 3-раунд, 3:17

Куиллан Салкил Бенил Дариушни техник нокаут билан енгди (зарба) – 1-раунд, 3:29

Стив Эрцег Тим Эллиоттни ҳакамларнинг якдил қарори эвазига мағлубиятга учратди (29-28, 29-28, 29-28)

Марван Рахики Оливер Шмидни техник нокаут билан ютди (зарбалар) – 1-раунд, 2:47

Брандо Перичич Шамиль Газиевни нокаут қилди (зарбалар) – 2-раунд, 3:44

Луи Сазерленд Таи Туивасани ҳакамларнинг якдил қарори билан мағлуб этди (30-26, 30-26, 30-26)

Прелим кард жанглари

Кэмерон Роустон Роберт Бричекни очколар ҳисобига кўра таслим этди (30-27, 30-27, 30-27)

Жуниор Тафа Кевин Кристианни нокаут қилди (қўл ва тирсакда зарбалар) – 1-раунд, 2:42

Жейкоб Мэлкун Жеральд Мершартдан ҳакамлар қарорига кўра устун келди (29-28, 29-28, 29-28)

Колби Тикнесс Винс Моралесни ҳакамларнинг якдил қарори билан мағлубиятга учратди (29-28, 29-28, 29-28)

Весли Шульц Бен Жонстонни сабмишн эвазига ютди (гильотина усулида бўғиш) – 3-раунд, 1:50

Жонатан Микаллеф Темба Горимбони ҳакамларнинг айри қарори билан енгди (28-29, 29-28, 29-28)

Коди Стил Дом Мар Фанни сабмишн билан ютди – 1-раунд, 3:56