02 авг 09:09
Янгиликлар

Бокс/ММА

UFC Fight Night 283 турнирининг бонус соҳиблари маълум

Тарихий UFC Fight Night 283 турнири якунларига кўра, Белградда 12 нафар жангчи муддатидан аввал ғалабага эришди.

Дунёнинг энг кучли лигаси томонидан Сербияда илк бор ўтказилган ушбу тадбирнинг тўрт нафар иштирокчиси ўзларининг томошабоп чиқишлари учун 100 минг долларлик қўшимча мукофот пулларини қўлга киритишди.

Шоунинг асосий юлдузи Урош Медич, иккинчи даражали жанг иштирокчиси Наваҳо Стирлинг, шунингдек, Нина Милошевич ва Гилберт Урбина "Кечанинг энг яхши чиқиши" учун бонусларга эга бўлишди. Шу билан бирга, турнирдаги жангларнинг ҳеч бири "Кечанинг энг яхши жанги" деб топилмади.

Муддатидан аввал ғалаба қозонган бошқа жангчилар - Роберт Валентин, Ноа Гунён, Тофиқ Мусаев, Майкл Оливейра, Богдан Град, Матеуш Ребески, Жован Лека ва Стефани Лучиано 25 минг долларлик мукофот пулларини олишди.