11 июл 08:51
Янгиликлар

Бокс/ММА

UFC президенти: Биз Хабибни ўз ҳолига қўямиз

UFC президенти Дэна Уайт енгил вазнда лига чемпиони Хабиб Нурмагомедовнинг режаларига тўхталиб ўтди.

Хабарингиз бор, Хабибнинг отаси Абдулманап Нурмагомедов уч ойча давом этган хасталикдан сўнг 3 июль куни вафот этган эди.

"Абдулманапнинг вафоти — катта фожиа. Ҳали ҳам ўзимизга кела олмаяпмиз. Хабиб отасини қанчалик яхши кўрганини жуда яхши биламиз. Биз унга ўзига келиб олиши учун вақт берамиз. Жанг ўтказиш учун қачон тайёр бўласан деб холи жонига тегмаймиз. Шунчаки, уни ўз ҳолига қўямиз. Унга вақт керак. Келажаги ҳақида ўзи қарор чиқаради", — дея Уайтнинг сўзларини келтирмоқда MMA Fighting.