UFC президенти Макгрегор - Мейвезер реванш жангига муносабат билдирди

"Биз бу жангни муҳокама қилмаяпмиз. Конор "қафас"га қайтади. У шу йилнинг сўнггида, узоғи билан келаси йилнинг бошида октагонга қайтишни режалаштиряпти. Конор билан гаплашдим, у жанг қилишни хоҳлаётганини айтди. Унга фильмларда роль ўйнаш таклифини беришяпти. Шунингдек, катта пул ишлаш имконияти мавжуд бўлган бошқа лойиҳаларни таклиф қилишмоқда. Лекин бу нарсалар унга қизиқ эмас. Конор жанг қилмоқчи", - деди Уайт.  

Ўтган ҳафта матбуотда Макгрегор - Мейвезер реванш жангининг ўтказилиши мумкинлиги ҳақида хабарлар пайдо бўлганди. Ирландиялик қисман бу маълумотларни тасдиқлаган эди.  

Эслатиб ўтамиз, Флойд Мейвезер шу йил кузда RIZIN промоушени томонидан ташкил этилаётган кўргазмали бокс турнирида рингга чиқади. Унинг рақиби япониялик Микуро Асакура бўлади.