UFC рейтинги янгиланди. Рамазон Темировнинг вазнида жиддий ўзгаришлар

Жумладан, эркаклар ўртасидаги ўта енгил вазн тоифаси рейтинги ҳам жиддий ўзгаришларга юз тутди.

Турнирнинг марказий жангида октагонга чиққан португалиялик Манель Кейпе АҚШ вакили, UFC рейтингида иккинчи ўриндаги Брэндон Ройвални муддатидан аввал енгганидан кейин, икки поғона юқорилаб, Ройвал билан ўрин алмашди.

Шунингдек, мексикалик собиқ чемпион Брэндон Морено ва Ироқ вакили Амир Альбази ҳам бир поғона қуйилаб, мос равишда беш ва олтинчи ўринларга жойлашишди.

Маълумот учун, ушбу дивизионда ҳамюртимиз Рамазон Темиров фаолият олиб боради. У ҳозир дисквалификация муддатини ўтказмоқда.