19 май 10:32
Янгиликлар
UFC. Вудли ҳамда Лоулер ўртасидаги реванш жанги бекор қилинди
Собиқ UFC чемпиони Тайрон Вудли Робби Лоулерга қарши жангда октагонга чиқа олмайдиган бўлди.
Бу ҳақда ESPN телеканали хабар берди. Айнан ушбу жанг аралаш қоидалар бўйича UFC on ESPN 4 оқшомининг марказий жанги бўлиши керак эди. Жангнинг бекор қилинишига Тайроннинг машғулот чоғида қўлидан олган жароҳати сабаб бўлди.
Вудлининг қачон сафга қайтиши маълум эмас. UFC эса аллақачон Вудлини бўлажак жангда алмаштирадиган спортчи излашни бошлаб юборди. Британиялик ярим ўрта вазн тоифасидаги Даррен Тилл Робби Лоулерга ўз хизматини таклиф қилган.
Маълумот учун, Вудли ҳамда Лоулер ўртасидаги илк жанг 2016 йилнинг ёзида ўтказилган ва ўшанда Тайрон биринчи раунднинг ўзида нокаут эвазига ғалаба қозонган эди.
Ҳавола :
Фикрлар