04 июл 10:10
Янгиликлар

Теннис

"Уимблдон". Дунёнинг биринчи ракеткаси учинчи давра баҳсини ўтказди

Сайёрамизнинг биринчи рақамли теннис маликаси Эшли Барти "Уимблдон" турнирининг учинчи даврасида кортга чиқди.

Австралиялик теннисчи 1 соату 37 дақиқа давом этган баҳсда WTA рейтингида 64-поғонадан жой олган чехиялик Катержина Синяковани 6/3, 7/5 ҳисобларида мағлубиятга учратди.

Учрашув давомида 25 ёшли Барти 8 та, Синякова эса 3 та эйс зарбани амалга оширди. Бу теннисчиларнинг ўзаро ўтказган илк учрашуви эди. Энди Эшли тўртинчи даврада бошқа бир чехиялик теннисчи Барбора Крейчиковага қарши баҳс олиб боради.