03 июл 07:43
Янгиликлар

Теннис

Уимблдон. Жокович 114-ракеткага қарши кортга чиқди

Лондон шаҳри мезбонлигида ўтаётган теннис бўйича "Катта Дубулға" туркумига кирувчи "Уимблдон" турнири ўзининг қизғин палласига кириб бормоқда.

Сайёрамизнинг биринчи ракеткаси Новак Жокович мусобақанинг тўртинчи даврасига йўл олди. Сербиялик теннис юлдузи 2 соату 16 дақиқа давом этган учинчи давра учрашувида рейтингнинг 114-поғонасини эгаллаб турган америкалик Денис Кудладан устун келди - 6/4, 6/3, 7/6(7).

Новак баҳс давомида 8 та, Денис эса 6 та эйс зарбасини амалга оширди. Теннисчиларнинг ўзаро учрашувларидаги ҳисоб йириклашди - 3:0. Энди Жокович "Уимблдон"нинг тўртинчи босқичида чилилик Кристиан Гаринга қарши кортга чиқади.