UZ

Сўнгги янгиликлар

18:41Белбоғли кураш. Кучлилар Фарғонада аниқланди 0 18:10Майкл Моралес: "Махачевдаги камарни Эквадорга олиб кетаман" 0 17:39"Реал Мадрид" етакчиси билан янги шартнома имзолади 0 17:08"Хабиб фаолиятини якунлаётганида унга қўлимдан келган барча нарсани таклиф қилганман" - Дана Уайт 0 16:37Дана Уайт ташкил этмоқчи бўлган жангларни санаб берди 0 16:04Спорт курашлари бўйича Ўзбекистон чемпионати якунланди 0 15:33Афсонавий Роналдиньо профессионал футболга қайтиши сабабини ошкор қилди 0 15:02ММА жамоатчилигининг Харрисон - Нуньес жангига муносабати: "Тарихдаги энг ёмон режа" 0 14:31UFC 334 турнирининг бонус соҳиблари эълон қилинди 0 14:00Мераб Двалишвили "ишкалдаги дўсти" Саба Лазишвилига UFC томонидан шартнома таклиф этилганини айтди 0 13:29Банклар "Манчестер Сити"ни молиялаштиришдан бош тортмоқда 0 12:58Арман Царукян PFL ва Bellator жангчисига қарши баҳс олиб борди 0 12:27Zagreb Grand Prix 2026. Бугун Давлат Бобоновга мухлислик қиламиз! 0 11:56Чемпионлар камарини муваффақиятли ҳимоя қилган UFC 334 турнирининг барча натижалари 0 11:25Жезуш Португалиянинг Даниядан йирик ҳисобда мағлуб бўлиши сабабларини айтди 0

11 июн 14:00
Янгиликлар

Гимнастика, Токио-2020

Улар Олимпиадага боришади – Екатерина Хилько

Рио-2016 Олимпиадасига йўлланма олган спортчиларимизни таништиришда давом этамиз.


Бугунги қаҳрамонимиз – трамполин бўйича Ўзбекистон терма жамоаси етакчи вакили Екатерина Хилько.


Екатерина Хилько – 1982 йилнинг 25 март куни Тошкент шаҳрида дунёга келган. Бу спорт тури билан болалигидан шуғулланади. Бунга оилавий муҳит ҳам таъсир қилган. Онаси ва тоғаси спорт гимнастикаси бўйича мураббийлик қилишган. Айнан уларнинг қўл остида спортдаги фаолияти бошланган.

2000 йили илк бор олимпия ўйинларида иштирок этган. Хилько Австралиянинг Сидней шаҳрида ўтказилган Олимпиадада тўртинчи ўринни эгаллади. Бронза медалларидан уни қандайдир кичик баллар ажратиб қолди. Орадан тўрт йил ўтиб, Екатерина Афина Олимпиадасида ҳам қатнашди. Бу сафар ҳам унга шохсупадан жой олиш насиб қилмади. 2006 йили Қатар пойтахти Доҳа шаҳрида ўтказилган Осиё ўйинларида бугунги қаҳрамонимиз бронза медалига сазовор бўлди. 

Хилько 2008 йили ўз фаолиятидаги учинчи Олимпиадада иштирок этди. Айнан ушбу тўрт йилликнинг энг нуфузли мусобақаси спортчимизга омад келтирди. Еекатерина Хилько 2008 йилги Пекин Олимпиадасида бронза медалини қўлга киритди. Омадли онлар 2009 йилда ҳам давом этди.


У шу йили жаҳон чемпионатининг бронза медали билан тақдирланди. 2010 йилда Хитойнинг Гуанчжоу шаҳри мезбонлик қилган Осиё ўйинларидан у яна бронза медали билан қайтди. Хилько 2012 йили Лондонда ташкил этилган Олимпия ўйинларида тўртинчи бор иштирок этди. Лекин медал олиш насиб қилмади.

Яқинда Бразилиянинг Рио-де-Жанейро шаҳрида трамполин бўйича ўтказилган лицензион мусобақада ҳамюртимиз саралаш босқичидан муваффақиятли ўтиб, кучли саккизликдан жой олиш билан бирга XXXI ёзги Олимпия ўйинларига ҳам йўлланмани қўлга киритди.

Эътиборлиси, Рио-2016 ўйинлари Екатерина Хильконинг фаолиятидаги бешинчи Олимпиада бўлади. Шу ўринда таъкидлаш жоиз, дунё трамполинчилари орасида шу кунга қадар тўрт нафар спортчи тўрт маротабадан Олимпия ўйинларида қатнашиш ҳуқуқини қўлга киритган эди. Демак, Екатерина Хилько бу борада жаҳонда якка пешқадамга айланди.

Ҳозирда ҳамюртимиз тажрибали мураббий Роза Ёқубова қўл остида Ёзги олимпия ўйинларига тайёргарликни давом эттирмоқда. Рио-2016га йўлланма олган барча спортчиларимиз қатори Екатерина Хилькога ҳам омад ва зафар ёр бўлишини тилаб қоламиз.


Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг