08 сен 13:40
Янгиликлар

Бокс/ММА

Улуғбек Собиров тарозидан ўтди, эртага Филиппинда жанг

Эртага профессионал рингда фаолият олиб бораётган боксчимиз Улуғбек Собиров ўзининг навбатдаги жангини ўтказади.

Ушбу жангда ҳамюртимизга филиппинлик Дондон Султан рақиблик қилади. Бугун боксчилар вазн ўлчаш маросимида иштирок этишди.

Маълумот учун, Улуғбек шу кунгача проф рингда 7 маротаба жанг ўтказиб, уларнинг барчасида ғалаба қозонган. Жангларининг бештасида у рақибларини нокаут эвазига мағлуб этган. Султан эса 46та жанг ўтказиб, уларнинг 20тасида рақибларидан устун келган (11таси нокаут). 23тасида эса мағлуб бўлган (8та нокаут). Учта жангда эса дурангга эришган.