29 мар 17:28
Янгиликлар

Бокс/ММА

Умар Кремлёв AIBA президенти бўлиш истагини билдирди

Россия бокс федерацияси бош котиби Умар Кремлёв Халқаро олимпия қўмитасига очиқ хат билан мурожаат қилди.

Кремлёв Халқаро бокс ассоциацияси (АIBА)нинг ҳозирги мавжуд 16 миллион долларлик қарзини ҳам қоплашга ваъда берган.

"Ҳаётимни боксга бағишлаганман. Умримнинг қолган қисмида ҳам спорт туримизни бутун дунёда янада оммалаштиришга ҳаракат қиламан. Айни пайтда AIBAнинг мавжуд қарзларини қоплашдан хурсанд бўлардим. Энг муҳими, бокс Олимпиадада қолсин. Олий орзуимиз шу!", - деди Кремлёв.

Эслатиб ўтамиз, ўтган ҳафтада ҳамюртимиз Ғофур Раҳимов Халқаро олимпия қўмитасининг узлуксиз босимидан сўнг ўз хоҳишига биноан AIBA президентлигидан кетган эди. Ҳозирда бокснинг Олимпиада-2020 дастурида бўлиши сўроқ остида қолмоқда.